Yo ca uppatitaṁ atthaṁ, khippameva nibodhati; Muccate sattusambādhā, kukkuṭova biḷāriyā”ti. Kukkuṭajātakaṁ aṭṭhamaṁ. Chakkanipāta Avāriyavagga

9. Dhammadhajajātaka

“Dhammaṁ caratha ñātayo, Dhammaṁ caratha bhaddaṁ vo; Dhammacārī sukhaṁ seti, Asmiṁ loke paramhi ca”. “Bhaddako vatayaṁ pakkhī, dijo paramadhammiko; Ekapādena tiṭṭhanto, dhammamevānusāsati”. “Nāssa sīlaṁ vijānātha, anaññāya pasaṁsatha; Bhutvā aṇḍañca potañca, dhammo dhammoti bhāsati. Aññaṁ bhaṇati vācāya, aññaṁ kāyena kubbati; Vācāya no ca kāyena, na taṁ dhammaṁ adhiṭṭhito.