“Alaṁ metehi ambehi, jambūhi panasehi ca; Yāni pāraṁ samuddassa, varaṁ mayhaṁ udumbaro. Mahatī vata te bondi, na ca paññā tadūpikā; Susumāra vañcito mesi, gaccha dāni yathāsukhan”ti. Susumārajātakaṁ aṭṭhamaṁ. Dukanipāta Nataṁdaḷhavagga

9. Kukkuṭajātaka

“Diṭṭhā mayā vane rukkhā, assakaṇṇā vibhīṭakā; Na tāni evaṁ sakkanti, yathā tvaṁ rukkha sakkasi”. “Purāṇakukkuṭo ayaṁ, bhetvā pañjaramāgato; Kusalo vāḷapāsānaṁ, apakkamati bhāsatī”ti. Kukkuṭajātakaṁ navamaṁ. Dukanipāta Nataṁdaḷhavagga

10. Kandagalakajātaka

“Ambho ko nāma yaṁ rukkho, sinnapatto sakaṇṭako; Yattha ekappahārena, uttamaṅgaṁ vibhijjitaṁ”.