“Janittaṁ me bhavittaṁ me, iti paṅke avassayiṁ; Taṁ maṁ paṅko ajjhabhavi, yathā dubbalakaṁ tathā; Taṁ taṁ vadāmi bhaggava, suṇohi vacanaṁ mama”. “Gāme vā yadi vā raññe, sukhaṁ yatrādhigacchati; Taṁ janittaṁ bhavittañca, purisassa pajānato; Yamhi jīve tamhi gacche, na niketahato siyā”ti. Kacchapajātakaṁ aṭṭhamaṁ. Dukanipāta Kalyāṇavagga

9. Satadhammajātaka

“Tañca appañca ucchiṭṭhaṁ, tañca kicchena no adā; Sohaṁ brāhmaṇajātiko, yaṁ bhuttaṁ tampi uggataṁ”. “Evaṁ dhammaṁ niraṅkatvā, Yo adhammena jīvati; Satadhammova lābhena, Laddhenapi na nandatī”ti. Satadhammajātakaṁ navamaṁ. Dukanipāta Kalyāṇavagga

10. Duddadajātaka

“Duddadaṁ dadamānānaṁ, dukkaraṁ kamma kubbataṁ; Asanto nānukubbanti, sataṁ dhammo durannayo”.