Na heva ṭhitaṁ nāsīnaṁ, Na sayānaṁ na paddhaguṁ; Yāva byāti nimisati, Tatrāpi rasatī vayo. Tatthattani vatappaddhe, vinābhāve asaṁsaye; Bhūtaṁ sesaṁ dayitabbaṁ, vītaṁ ananusociyan”ti. Ananusociyajātakaṁ aṭṭhamaṁ. Catukkanipāta Kuṭidūsakavagga

9. Kāḷabāhujātaka

“Yaṁ annapānassa pure labhāma, Taṁ dāni sākhamigameva gacchati; Gacchāma dāni vanameva rādha, Asakkatā casma dhanañjayāya”. “Lābho alābho yaso ayaso ca, Nindā pasaṁsā ca sukhañca dukkhaṁ; Ete aniccā manujesu dhammā, Mā soci kiṁ socasi poṭṭhapāda”.