“Ūhaññate rajaggaṁ, Avidūre pubbakamhi ca pāsāde; Maññe no kesā chinnā, Yasassino dhammarājassa”. “Ayamassa pāsādo, Sovaṇṇapupphamālyavītikiṇṇo; Yahimanuvicari rājā, Parikiṇṇo itthāgārehi. Ayamassa pāsādo, Sovaṇṇapupphamālyavītikiṇṇo; Yahimanuvicari rājā, Parikiṇṇo ñātisaṅghena. Idamassa kūṭāgāraṁ, Sovaṇṇapupphamālyavītikiṇṇaṁ; Yahimanuvicari rājā, Parikiṇṇo itthāgārehi. Idamassa kūṭāgāraṁ, Sovaṇṇapupphamālyavītikiṇṇaṁ; Yahimanuvicari rājā, Parikiṇṇo ñātisaṅghena.