“Ye saññino tepi duggatā, Yepi asaññino tepi duggatā; Etaṁ ubhayaṁ vivajjaya, Taṁ samāpattisukhaṁ anaṅgaṇan”ti. Jhānasodhanajātakaṁ catutthaṁ. Ekakanipāta Asampadānavagga

5. Candābhajātaka

“Candābhaṁ sūriyābhañca, yodha paññāya gādha”ti. Avitakkena jhānena, hoti ābhassarūpagoti. Candābhajātakaṁ pañcamaṁ. Ekakanipāta Asampadānavagga

6. Suvaṇṇahaṁsajātaka

“Yaṁ laddhaṁ tena tuṭṭhabbaṁ, Atilobho hi pāpako; Haṁsarājaṁ gahetvāna, Suvaṇṇā parihāyathā”ti. Suvaṇṇahaṁsajātakaṁ chaṭṭhaṁ. Ekakanipāta Asampadānavagga

7. Babbujātaka

“Yattheko labhate babbu, dutiyo tattha jāyati; Tatiyo ca catuttho ca, idaṁ te babbukā bilan”ti. Babbujātakaṁ sattamaṁ. Ekakanipāta Asampadānavagga

8. Godhajātaka