Samanussa saduddubha yācanako, Atha meṇḍavaruttama godhavaro; Atha kāyasakepuka bhotīvaro, Atha rādhasusīlavarena dasāti. Catukkanipāta Kokilavagga

1. Kokilajātaka

“Yo ve kāle asampatte, ativelaṁ pabhāsati; Evaṁ so nihato seti, kokilāyiva atrajo. Na hi satthaṁ sunisitaṁ, visaṁ halāhalāmiva; Evaṁ nikaṭṭhe pāteti, vācā dubbhāsitā yathā. Tasmā kāle akāle vā, vācaṁ rakkheyya paṇḍito; Nātivelaṁ pabhāseyya, api attasamamhi vā. Yo ca kāle mitaṁ bhāse, matipubbo vicakkhaṇo; Sabbe amitte ādeti, supaṇṇo uragāmivā”ti. Kokilajātakaṁ paṭhamaṁ. Catukkanipāta Kokilavagga

2. Rathalaṭṭhijātaka