“Ñātametaṁ kuruṅgassa, yaṁ tvaṁ sepaṇṇi siyyasi; Aññaṁ sepaṇṇi gacchāmi, na me te ruccate phalan”ti. Kuruṅgamigajātakaṁ paṭhamaṁ. Ekakanipāta Kuruṅgavagga

2. Kukkurajātaka

“Ye kukkurā rājakulamhi vaddhā, Koleyyakā vaṇṇabalūpapannā; Teme na vajjhā mayamasma vajjhā, Nāyaṁ saghaccā dubbalaghātikāyan”ti. Kukkurajātakaṁ dutiyaṁ. Ekakanipāta Kuruṅgavagga

3. Bhojājānīyajātaka

“Api passena semāno, sallebhi sallalīkato; Seyyova vaḷavā bhojjo, yuñja maññeva sārathī”ti. Bhojājānīyajātakaṁ tatiyaṁ. Ekakanipāta Kuruṅgavagga

4. Ājaññajātaka

“Yadā yadā yattha yadā, yattha yattha yadā yadā; Ājañño kurute vegaṁ, hāyanti tattha vāḷavā”ti. Ājaññajātakaṁ catutthaṁ. Ekakanipāta Kuruṅgavagga

5. Titthajātaka