“Rājā ca pabbajjamarocayittha, Raṭṭhaṁ pahāya naravīraseṭṭho; Ahampi ekā carissāmi loke, Hitvāna kāmāni manoramāni. Rājā ca pabbajjamarocayittha, Raṭṭhaṁ pahāya naravīraseṭṭho; Ahampi ekā carissāmi loke, Hitvāna kāmāni yathodhikāni. Accenti kālā tarayanti rattiyo, Vayoguṇā anupubbaṁ jahanti; Ahampi ekā carissāmi loke, Hitvāna kāmāni manoramāni. Accenti kālā tarayanti rattiyo, Vayoguṇā anupubbaṁ jahanti; Ahampi ekā carissāmi loke, Hitvāna kāmāni yathodhikāni. Accenti kālā tarayanti rattiyo, Vayoguṇā anupubbaṁ jahanti; Ahampi ekā carissāmi loke, Sītibhūtā sabbamaticca saṅgan”ti. Hatthipālajātakaṁ terasamaṁ. Vīsatinipāta Mātaṅgavagga
14. Ayogharajātaka