“Akāle vassatī tassa, kāle tassa na vassati; Saggā ca cavati ṭhānā, nanu so tāvatā hato”ti. Maṇicorajātakaṁ catutthaṁ. Dukanipāta Ruhakavagga

5. Pabbatūpattharajātaka

“Pabbatūpatthare ramme, jātā pokkharaṇī sivā; Taṁ siṅgālo apāpāyi, jānaṁ sīhena rakkhitaṁ”. “Pivanti ce mahārāja, sāpadāni mahānadiṁ; Na tena anadī hoti, khamassu yadi te piyā”ti. Pabbatūpattharajātakaṁ pañcamaṁ. Dukanipāta Ruhakavagga

6. Valāhakassajātaka

“Ye na kāhanti ovādaṁ, narā buddhena desitaṁ; Byasanaṁ te gamissanti, rakkhasīhiva vāṇijā. Ye ca kāhanti ovādaṁ, narā buddhena desitaṁ; Sotthiṁ pāraṁ gamissanti, valāheneva vāṇijā”ti. Valāhakassajātakaṁ chaṭṭhaṁ. Dukanipāta Ruhakavagga

7. Mittāmittajātaka

“Na naṁ umhayate disvā, na ca naṁ paṭinandati; Cakkhūni cassa na dadāti, paṭilomañca vattati.