“Na catthi mokkho mama nikkayena, Gantvāna paccāgamanāya paṇhe; Taṁ saṅgaraṁ brāhmaṇassappadāya, Saccānurakkhī punarāvajissaṁ”. “Kiṁ kammajātaṁ anutappate tvaṁ, Pattaṁ samīpaṁ maraṇassa rāja; Ācikkha me taṁ api sakkuṇemu, Anujānituṁ āgamanāya paṇhe”. “Katā mayā brāhmaṇassa dhanāsā, Taṁ saṅgaraṁ paṭimukkaṁ na muttaṁ; Taṁ saṅgaraṁ brāhmaṇassappadāya, Saccānurakkhī punarāvajissaṁ”. “Yā te katā brāhmaṇassa dhanāsā, Taṁ saṅgaraṁ paṭimukkaṁ na muttaṁ; Taṁ saṅgaraṁ brāhmaṇassappadāya, Saccānurakkhī punarāvajassu”. Mutto ca so porisādassa hatthā, Gantvā sakaṁ mandiraṁ kāmakāmī; Taṁ saṅgaraṁ brāhmaṇassappadāya, Āmantayī puttamalīnasattaṁ.