“Evampi lokāmisaṁ opatanto, Vihaññatī cittavasānuvattī; So haññatī ñātisakhāna majjhe, Macchānugo soriva suṁsumāro”ti. Vikaṇṇajātakaṁ tatiyaṁ. Dukanipāta Upāhanavagga

4. Asitābhūjātaka

“Tvameva dānimakara, Yaṁ kāmo byagamā tayi; Soyaṁ appaṭisandhiko, Kharachinnaṁva renukaṁ”. “Atricchaṁ atilobhena, atilobhamadena ca; Evaṁ hāyati atthamhā, ahaṁva asitābhuyā”ti. Asitābhūjātakaṁ catutthaṁ. Dukanipāta Upāhanavagga

5. Vacchanakhajātaka

“Sukhā gharā vacchanakha, sahiraññā sabhojanā; Yattha bhutvā pivitvā ca, sayeyyātha anussuko”. “Gharā nānīhamānassa, Gharā nābhaṇato musā; Gharā nādinnadaṇḍassa, Paresaṁ anikubbato; Evaṁ chiddaṁ durabhisambhavaṁ, Ko gharaṁ paṭipajjatī”ti. Vacchanakhajātakaṁ pañcamaṁ. Dukanipāta Upāhanavagga

6. Bakajātaka