Ete bhavanti ākārā, amittasmiṁ patiṭṭhitā; Yehi amittaṁ jāneyya, disvā sutvā ca paṇḍito”ti. Mittāmittajātakaṁ sattamaṁ. Dukanipāta Ruhakavagga

8. Rādhajātaka

“Pavāsā āgato tāta, idāni nacirāgato; Kaccinnu tāta te mātā, na aññamupasevati”. “Na kho panetaṁ subhaṇaṁ, Giraṁ saccupasaṁhitaṁ; Sayetha poṭṭhapādova, Mummure upakūthito”ti. Rādhajātakaṁ aṭṭhamaṁ. Dukanipāta Ruhakavagga

9. Gahapatijātaka

“Ubhayaṁ me na khamati, ubhayaṁ me na ruccati; Yācāyaṁ koṭṭhamotiṇṇā, nāddasaṁ iti bhāsati. Taṁ taṁ gāmapati brūmi, kadare appasmi jīvite; Dve māse saṅgaraṁ katvā, maṁsaṁ jaraggavaṁ kisaṁ; Appattakāle codesi, tampi mayhaṁ na ruccatī”ti. Gahapatijātakaṁ navamaṁ. Dukanipāta Ruhakavagga

10. Sādhusīlajātaka