“Api cepi dubbalo mitto, mittadhammesu tiṭṭhati; So ñātako ca bandhu ca, so mitto so ca me sakhā; Dāṭhini mātimaññittho, siṅgālo mama pāṇado”ti. Guṇajātakaṁ sattamaṁ. Dukanipāta Daḷhavagga

8. Suhanujātaka

“Nayidaṁ visamasīlena, soṇena suhanū saha; Suhanūpi tādisoyeva, yo soṇassa sagocaro. Pakkhandinā pagabbhena, niccaṁ sandānakhādinā; Sameti pāpaṁ pāpena, sameti asatā asan”ti. Suhanujātakaṁ aṭṭhamaṁ. Dukanipāta Daḷhavagga

9. Morajātaka

“Udetayañ cakkhumā ekarājā, Harissavaṇṇo pathavippabhāso; Taṁ taṁ namassāmi harissavaṇṇaṁ pathavippabhāsaṁ, Tayājja guttā viharemu divasaṁ. Ye brāhmaṇā vedagū sabbadhamme, Te me namo te ca maṁ pālayantu; Namatthu buddhānaṁ namatthu bodhiyā, Namo vimuttānaṁ namo vimuttiyā; Imaṁ so parittaṁ katvā, Moro carati esanā.