Tassāhaṁ odahiṁ passaṁ, khurappānissa rājino; Tadāhaṁ sukhito mutto, mātaraṁ daṭṭhumāgato”ti. Nandiyamigarājajātakaṁ dasamaṁ. Avāriyavaggo paṭhamo. Tassuddānaṁ Atha kujjharathesabha ketuvaro, Sadarīmukha neru latā ca puna; Apananda sirī ca sucittavaro, Atha dhammika nandimigena dasāti. Chakkanipāta Kharaputtavagga

1. Kharaputtajātaka

“Saccaṁ kirevamāhaṁsu, vastaṁ bāloti paṇḍitā; Passa bālo rahokammaṁ, āvikubbaṁ na bujjhati”. “Tvaṁ khopi samma bālosi, kharaputta vijānahi; Rajjuyā hi parikkhitto, vaṅkoṭṭho ohitomukho. Aparampi samma te bālyaṁ, yo mutto na palāyasi; So ca bālataro samma, yaṁ tvaṁ vahasi senakaṁ”.