“Sūciṁ kammāragāmasmiṁ, vikketabbā pajānatā; Ācariyāva jānanti, kammaṁ sukatadukkaṭaṁ. Imañce te pitā bhadde, Sūciṁ jaññā mayā kataṁ; Tayā ca maṁ nimanteyya, Yañcatthaññaṁ ghare dhanan”ti. Sūcijātakaṁ dutiyaṁ. Chakkanipāta Kharaputtavagga

3. Tuṇḍilajātaka

“Navachannake dāni diyyati, Puṇṇāyaṁ doṇi suvāminī ṭhitā; Bahuke jane pāsapāṇike, No ca kho me paṭibhāti bhuñjituṁ”. “Tasasi bhamasi leṇamicchasi, Attāṇosi kuhiṁ gamissasi; Appossukko bhuñja tuṇḍila, Maṁsatthāya hi positāmhase.