Sabbepime devasamā samāgatā, Aggī yathā pajjalito tathevime; Ahampi eko carissāmi bhaggavi, Hitvāna kāmāni yathodhikāni”. “Ayameva kālo na hi añño atthi, Anusāsitā me na bhaveyya pacchā; Ahampi ekā carissāmi bhaggava, Sakuṇīva muttā purisassa hatthā”. “Āmaṁ pakkañca jānanti, atho loṇaṁ aloṇakaṁ; Tamahaṁ disvāna pabbajiṁ, careva tvaṁ carāmahan”ti. Kumbhakārajātakaṁ tatiyaṁ. Sattakanipāta Gandhāravagga

4. Daḷhadhammajātaka

“Ahañce daḷhadhammassa, vahantī nābhirādhayiṁ; Dharantī urasi sallaṁ, yuddhe vikkantacārinī. Nūna rājā na jānāti, mama vikkamaporisaṁ; Saṅgāme sukatantāni, dūtavippahitāni ca.