“Tassa nāgassa vippavāsena, Virūḷhā sallakī ca kuṭajā ca; Kuruvindakaravīrā bhisasāmā ca, Nivāte pupphitā ca kaṇikārā. Kocideva suvaṇṇakāyurā, Nāgarājaṁ bharanti piṇḍena; Yattha rājā rājakumāro vā, Kavacamabhihessati achambhito”. “Gaṇhāhi nāga kabaḷaṁ, mā nāga kisako bhava; Bahūni rājakiccāni, tāni nāga karissasi”. “Sā nūnasā kapaṇikā, andhā apariṇāyikā; Khāṇuṁ pādena ghaṭṭeti, giriṁ caṇḍoraṇaṁ pati”. “Kā nu te sā mahānāga, andhā apariṇāyikā; Khāṇuṁ pādena ghaṭṭeti, giriṁ caṇḍoraṇaṁ pati”. “Mātā me sā mahārāja, andhā apariṇāyikā; Khāṇuṁ pādena ghaṭṭeti, giriṁ caṇḍoraṇaṁ pati”.