“Luddhānaṁ lahucittānaṁ, akataññūna dubbhinaṁ; Nādevasatto puriso, thīnaṁ saddhātumarahati. Na tā pajānanti kataṁ na kiccaṁ, Na mātaraṁ pitaraṁ bhātaraṁ vā; Anariyā samatikkantadhammā, Sasseva cittassa vasaṁ vajanti. Cirānuvutthampi piyaṁ manāpaṁ, Anukampakaṁ pāṇasamampi bhattuṁ; Āvāsu kiccesu ca naṁ jahanti, Tasmāhamitthīnaṁ na vissasāmi. Thīnañhi cittaṁ yathā vānarassa, Kannappakannaṁ yathā rukkhachāyā; Calācalaṁ hadayamitthiyānaṁ, Cakkassa nemi viya parivattati.