“Idañca mayhaṁ uttiṭṭhapiṇḍaṁ, Tava maṇḍabyo bhuñjatu appapañño; Yakkhā ca te naṁ na viheṭhayeyyuṁ, Putto ca te hessati so arogo”. “Maṇḍabya bālosi parittapañño, Yo puññakhettānamakovidosi; Mahakkasāvesu dadāsi dānaṁ, Kiliṭṭhakammesu asaññatesu. Jaṭā ca kesā ajinā nivatthā, Jarūdapānaṁva mukhaṁ parūḷhaṁ; Pajaṁ imaṁ passatha dummarūpaṁ, Na jaṭājinaṁ tāyati appapaññaṁ. Yesaṁ rāgo ca doso ca, avijjā ca virājitā; Khīṇāsavā arahanto, tesu dinnaṁ mahapphalan”ti. Mātaṅgajātakaṁ paṭhamaṁ. Vīsatinipāta Mātaṅgavagga

2. Cittasambhūtajātaka