“Kalyāṇadhammoti yadā janinda, Loke samaññaṁ anupāpuṇāti; Tasmā na hiyyetha naro sapañño, Hiriyāpi santo dhuramādiyanti. Sāyaṁ samaññā idha majja pattā, Kalyāṇadhammoti janinda loke; Tāhaṁ samekkhaṁ idha pabbajissaṁ, Na hi matthi chando idha kāmabhoge”ti. Kalyāṇadhammajātakaṁ paṭhamaṁ. Dukanipāta Kalyāṇavagga

2. Daddarajātaka

“Ko nu saddena mahatā, abhinādeti daddaraṁ; Taṁ sīhā nappaṭinadanti, ko nāmeso migādhibhū”. “Adhamo migajātānaṁ, siṅgālo tāta vassati; Jātimassa jigucchantā, tuṇhī sīhā samacchare”ti. Daddarajātakaṁ dutiyaṁ. Dukanipāta Kalyāṇavagga

3. Makkaṭajātaka