Yassa vā pana yattha maggasaccaṁ na nirujjhissati tassa tattha samudayasaccaṁ nuppajjatīti? Āpāyikānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe tesaṁ tattha maggasaccaṁ na nirujjhissati, no ca tesaṁ tattha samudayasaccaṁ nuppajjati. Aggamaggassa bhaṅgakkhaṇe arahantānaṁ āpāyikānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ tattha maggasaccañca na nirujjhissati samudayasaccañca nuppajjati. 5.2.3.6. Atītānāgatavāra 5.2.3.6.1. Anulomapuggala Yassa dukkhasaccaṁ uppajjittha tassa samudayasaccaṁ nirujjhissatīti? (Yathā nirodhavāre atītānāgatā pucchā anulomampi paccanīkampi vibhattā evaṁ uppādanirodhavārepi asammohantena vibhajitabbaṁ.) Uppādanirodhavāro. Pavattivāro niṭṭhito. 5.3 Pariññāvāra 5.3.1. Paccuppannavāra Yo dukkhasaccaṁ parijānāti so samudayasaccaṁ pajahatīti? Āmantā. Yo vā pana samudayasaccaṁ pajahati so dukkhasaccaṁ parijānātīti? Āmantā. Yo dukkhasaccaṁ na parijānāti so samudayasaccaṁ nappajahatīti? Āmantā. Yo vā pana …pe… ? Āmantā. 5.3 Pariññāvāra 5.3.2. Atītavāra