Yo dukkhasaccaṁ parijānittha so samudayasaccaṁ pajahitthāti? Āmantā. Yo vā pana …pe… ? Āmantā. Yo dukkhasaccaṁ na parijānittha so samudayasaccaṁ nappajahitthāti? Āmantā. Yo vā pana …pe… ? Āmantā. 5.3 Pariññāvāra 5.3.3. Anāgatavāra Yo dukkhasaccaṁ parijānissati so samudayasaccaṁ pajahissatīti? Āmantā. Yo vā pana …pe… ? Āmantā. Yo dukkhasaccaṁ na parijānissati so samudayasaccaṁ nappajahissatīti? Āmantā. Yo vā pana …pe… ? Āmantā. 5.3 Pariññāvāra 5.3.4. Paccuppannātītavāra Yo dukkhasaccaṁ parijānāti so samudayasaccaṁ pajahitthāti? No. Yo vā pana samudayasaccaṁ pajahittha so dukkhasaccaṁ parijānātīti? No. Yo dukkhasaccaṁ na parijānāti so samudayasaccaṁ nappajahitthāti? Arahā dukkhasaccaṁ na parijānāti, no ca samudayasaccaṁ nappajahittha. Aggamaggasamaṅgiñca arahantañca ṭhapetvā avasesā puggalā dukkhasaccañca na parijānanti samudayasaccañca nappajahittha. Yo vā pana samudayasaccaṁ nappajahittha so dukkhasaccaṁ na parijānātīti? Aggamaggasamaṅgī samudayasaccaṁ nappajahittha, no ca dukkhasaccaṁ na parijānāti. Aggamaggasamaṅgiñca arahantañca ṭhapetvā avasesā puggalā samudayasaccañca nappajahittha dukkhasaccañca na parijānanti. 5.3 Pariññāvāra 5.3.5. Paccuppannānāgatavāra