Parinibbantānaṁ tesaṁ tattha saññākkhandho na nirujjhissati, no ca tesaṁ tattha vedanākkhandho nuppajjittha. Suddhāvāse parinibbantānaṁ asaññasattānaṁ tesaṁ tattha saññākkhandho ca na nirujjhissati vedanākkhandho ca nuppajjittha. Uppādanirodhavāro. Pavattivāro niṭṭhito. 2.3 Pariññāvāra 2.3.1. Paccuppannavāra Yo rūpakkhandhaṁ parijānāti so vedanākkhandhaṁ parijānātīti? Āmantā. Yo vā pana vedanākkhandhaṁ parijānāti so rūpakkhandhaṁ parijānātīti? Āmantā. Yo rūpakkhandhaṁ na parijānāti so vedanākkhandhaṁ na parijānātīti? Āmantā. Yo vā pana vedanākkhandhaṁ na parijānāti so rūpakkhandhaṁ na parijānātīti? Āmantā. 2.3 Pariññāvāra 2.3.2. Atītavāra Yo rūpakkhandhaṁ parijānittha so vedanākkhandhaṁ parijānitthāti? Āmantā. Yo vā pana vedanākkhandhaṁ parijānittha so rūpakkhandhaṁ parijānitthāti? Āmantā. Yo rūpakkhandhaṁ na parijānittha so vedanākkhandhaṁ na parijānitthāti? Āmantā. Yo vā pana vedanākkhandhaṁ na parijānittha so rūpakkhandhaṁ na parijānitthāti? Āmantā. 2.3 Pariññāvāra 2.3.3. Anāgatavāra Yo rūpakkhandhaṁ parijānissati so vedanākkhandhaṁ parijānissatīti? Āmantā. Yo vā pana vedanākkhandhaṁ parijānissati so rūpakkhandhaṁ parijānissatīti? Āmantā.