Yassa vā pana cittasaṅkhāro nirujjhissati tassa kāyasaṅkhāro uppajjitthāti? Āmantā. (Yathā nirodhavāre atītānāgatā pucchā anulomampi paccanīkampi evaṁ uppādanirodhavārepi atītānāgatā pucchā anulomampi paccanīkampi vibhajitabbaṁ asammohantena nirodhavārena sadisaṁ, natthi nānākaraṇaṁ.) Uppādanirodhavāro. 6.3. Pariññāvāra Yo kāyasaṅkhāraṁ parijānāti so vacīsaṅkhāraṁ parijānātīti? Āmantā. Yo vā pana vacīsaṅkhāraṁ parijānāti so kāyasaṅkhāraṁ parijānātīti? Āmantā. (Yathā khandhayamake pariññāvāraṁ vibhattaṁ evaṁ saṅkhārayamakepi pariññāvāraṁ vibhajitabbaṁ.) Pariññāvāro. Saṅkhārayamakapāḷi niṭṭhitā.