Yo rūpakkhandhaṁ na parijānissati so vedanākkhandhaṁ na parijānissatīti? Āmantā. Yo vā pana vedanākkhandhaṁ na parijānissati so rūpakkhandhaṁ na parijānissatīti? Āmantā. 2.3 Pariññāvāra 2.3.4. Paccuppannātītavāra Yo rūpakkhandhaṁ parijānāti so vedanākkhandhaṁ parijānitthāti? No. Yo vā pana vedanākkhandhaṁ parijānittha so rūpakkhandhaṁ parijānātīti? No. Yo rūpakkhandhaṁ na parijānāti so vedanākkhandhaṁ na parijānitthāti? Arahā rūpakkhandhaṁ na parijānāti, no ca vedanākkhandhaṁ na parijānittha. Aggamaggasamaṅgiñca arahantañca ṭhapetvā avasesā puggalā rūpakkhandhañca na parijānanti vedanākkhandhañca na parijānittha. Yo vā pana vedanākkhandhaṁ na parijānittha so rūpakkhandhaṁ na parijānātīti? Aggamaggasamaṅgī vedanākkhandhaṁ na parijānittha, no ca rūpakkhandhaṁ na parijānāti. Aggamaggasamaṅgiñca arahantañca ṭhapetvā avasesā puggalā vedanākkhandhañca na parijānittha rūpakkhandhañca na parijānanti. 2.3 Pariññāvāra 2.3.5. Paccuppannānāgatavāra Yo rūpakkhandhaṁ parijānāti so vedanākkhandhaṁ parijānissatīti? No. Yo vā pana vedanākkhandhaṁ parijānissati so rūpakkhandhaṁ parijānātīti? No. Yo rūpakkhandhaṁ na parijānāti so vedanākkhandhaṁ na parijānissatīti? Ye maggaṁ paṭilabhissanti te rūpakkhandhaṁ na parijānanti, no ca vedanākkhandhaṁ na parijānissanti. Arahā ye ca puthujjanā maggaṁ na paṭilabhissanti te rūpakkhandhañca na parijānanti vedanākkhandhañca na parijānissanti. Yo vā pana vedanākkhandhaṁ na parijānissati so rūpakkhandhaṁ na parijānātīti?