Yato vā pana avijjānusayaṁ nappajahati tato kāmarāgānusayañca paṭighānusayañca nappajahatīti? Āmantā. (Dukamūlakaṁ.) Yato kāmarāgānusayañca paṭighānusayañca mānānusayañca nappajahati tato diṭṭhānusayaṁ …pe… vicikicchānusayaṁ nappajahatīti? Āmantā. Yato vā pana vicikicchānusayaṁ nappajahati tato kāmarāgānusayañca paṭighānusayañca mānānusayañca nappajahatīti? Āmantā. Yato kāmarāgānusayañca paṭighānusayañca mānānusayañca nappajahati tato bhavarāgānusayaṁ nappajahatīti? Āmantā. Yato vā pana bhavarāgānusayaṁ nappajahati tato kāmarāgānusayañca paṭighānusayañca mānānusayañca nappajahatīti? Dukkhāya vedanāya tato bhavarāgānusayañca kāmarāgānusayañca mānānusayañca nappajahati, no ca tato paṭighānusayaṁ nappajahati. Kāmadhātuyā dvīsu vedanāsu tato bhavarāgānusayañca paṭighānusayañca nappajahati, no ca tato kāmarāgānusayañca mānānusayañca nappajahati. Apariyāpanne tato bhavarāgānusayañca nappajahati kāmarāgānusayañca paṭighānusayañca mānānusayañca nappajahati. Yato kāmarāgānusayañca paṭighānusayañca mānānusayañca nappajahati tato avijjānusayaṁ nappajahatīti? Āmantā. Yato vā pana avijjānusayaṁ nappajahati tato kāmarāgānusayañca paṭighānusayañca mānānusayañca nappajahatīti? Āmantā. (Tikamūlakaṁ.) Yato kāmarāgānusayañca paṭighānusayañca mānānusayañca diṭṭhānusayañca nappajahati tato vicikicchānusayaṁ nappajahatīti? Āmantā.