“Paduṭṭhacittassa na phāti hoti, Na cāpi taṁ devatā pūjayanti; Yo bhātaraṁ pettikaṁ sāpateyyaṁ, Avañcayī dukkaṭakammakārī”ti. Macchuddānajātakaṁ aṭṭhamaṁ. Tikanipāta Abbhantaravagga

9. Nānāchandajātaka

“Nānāchandā mahārāja, ekāgāre vasāmase; Ahaṁ gāmavaraṁ icche, brāhmaṇī ca gavaṁ sataṁ”. Putto ca ājaññarathaṁ, kaññā ca maṇikuṇḍalaṁ; Yā cesā puṇṇikā jammī, udukkhalaṁbhikaṅkhati. “Brāhmaṇassa gāmavaraṁ, brāhmaṇiyā gavaṁ sataṁ; Puttassa ājaññarathaṁ, kaññāya maṇikuṇḍalaṁ; Yañcetaṁ puṇṇikaṁ jammiṁ, paṭipādethudukkhalan”ti. Nānāchandajātakaṁ navamaṁ. Tikanipāta Abbhantaravagga

10. Sīlavīmaṁsakajātaka

“Sīlaṁ kireva kalyāṇaṁ, sīlaṁ loke anuttaraṁ; Passa ghoraviso nāgo, sīlavāti na haññati.