Yathā icchiṁ tathāhudakā thalā, Sura sāduphalo ca alīnamano; Sampahaṭṭhamano caturo ca tayo, Sataladdhaka bhogadhanena dasāti. Ekakanipāta Itthivagga

1. Asātamantajātaka

“Asā lokitthiyo nāma, velā tāsaṁ na vijjati; Sārattā ca pagabbhā ca, sikhī sabbaghaso yathā; Tā hitvā pabbajissāmi, vivekamanubrūhayan”ti. Asātamantajātakaṁ paṭhamaṁ. Ekakanipāta Itthivagga

2. Aṇḍabhūtajātaka

“Yaṁ brāhmaṇo avādesi, vīṇaṁ samukhaveṭhito; Aṇḍabhūtā bhatā bhariyā, tāsu ko jātu vissase”ti. Aṇḍabhūtajātakaṁ dutiyaṁ. Ekakanipāta Itthivagga

3. Takkapaṇḍitajātaka

“Kodhanā akataññū ca, pisuṇā mittabhedikā; Brahmacariyaṁ cara bhikkhu, so sukhaṁ na vihāhasīti. Takkapaṇḍitajātakaṁ tatiyaṁ. Ekakanipāta Itthivagga

4. Durājānajātaka