“Pucchāma kattāramanomapaññaṁ, Kathāsu no viggaho atthi jāto; Chindajja kaṅkhaṁ vicikicchitāni, Tadajja kaṅkhaṁ vitaremu sabbe”. “Ye paṇḍitā atthadasā bhavanti, Bhāsanti te yoniso tattha kāle; Kathaṁ nu kathānaṁ abhāsitānaṁ, Atthaṁ nayeyyuṁ kusalā janindā. Kathaṁ have bhāsati nāgarājā, Garuḷo pana venateyyo kimāha; Gandhabbarājā pana kiṁ vadesi, Kathaṁ pana kurūnaṁ rājaseṭṭho”. “Khantiṁ have bhāsati nāgarājā, Appāhāraṁ garuḷo venateyyo; Gandhabbarājā rativippahānaṁ, Akiñcanaṁ kurūnaṁ rājaseṭṭho”.