“Bālo vatāyaṁ sunakho, yo varattaṁ na khādati; Bandhanā ca pamuñceyya, asito ca gharaṁ vaje”. “Aṭṭhitaṁ me manasmiṁ me, atho me hadaye kataṁ; Kālañca paṭikaṅkhāmi, yāva passupatū jano”ti. Sunakhajātakaṁ dutiyaṁ. Dukanipāta Siṅgālavagga

3. Guttilajātaka

“Sattatantiṁ sumadhuraṁ, rāmaṇeyyaṁ avācayiṁ; So maṁ raṅgamhi avheti, saraṇaṁ me hohi kosiya”. “Ahaṁ taṁ saraṇaṁ samma, Ahamācariyapūjako; Na taṁ jayissati sisso, Sissamācariya jessasī”ti. Guttilajātakaṁ tatiyaṁ. Dukanipāta Siṅgālavagga

4. Vigaticchajātaka

“Yaṁ passati na taṁ icchati, Yañca na passati taṁ kiricchati; Maññāmi ciraṁ carissati, Na hi taṁ lacchati yaṁ sa icchati. Yaṁ labhati na tena tussati, Yañca pattheti laddhaṁ hīḷeti; Icchā hi anantagocarā, Vigaticchāna namo karomase”ti. Vigaticchajātakaṁ catutthaṁ. Dukanipāta Siṅgālavagga

5. Mūlapariyāyajātaka