Anāgāmī dukkhāya vedanāya so tato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca bhavarāgānusayena ca niranusayo, no ca so tato avijjānusayena niranusayo. Sveva puggalo apariyāpanne so tato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca bhavarāgānusayena ca niranusayo avijjānusayena ca niranusayo. Arahā sabbattha kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca bhavarāgānusayena ca niranusayo avijjānusayena ca niranusayo. Yo vā pana yato avijjānusayena niranusayo so tato kāmarāgānusayena ca paṭighānusayena ca mānānusayena ca diṭṭhānusayena ca vicikicchānusayena ca bhavarāgānusayena ca niranusayoti? Āmantā. (Chakkamūlakaṁ.) Sānusayavāre paṭilomaṁ. Sānusayavāro. 7.2 Mahāvāra 7.2.3. Pajahanavāra 7.2.3.1. Anulomapuggala Yo kāmarāgānusayaṁ pajahati so paṭighānusayaṁ pajahatīti? Āmantā. Yo vā pana paṭighānusayaṁ pajahati so kāmarāgānusayaṁ pajahatīti? Āmantā. Yo kāmarāgānusayaṁ pajahati so mānānusayaṁ pajahatīti? Tadekaṭṭhaṁ pajahati. Yo vā pana mānānusayaṁ pajahati so kāmarāgānusayaṁ pajahatīti? No. Yo kāmarāgānusayaṁ pajahati so diṭṭhānusayaṁ …pe… vicikicchānusayaṁ pajahatīti? No. Yo vā pana vicikicchānusayaṁ pajahati so kāmarāgānusayaṁ pajahatīti? Tadekaṭṭhaṁ pajahati. Yo kāmarāgānusayaṁ pajahati so bhavarāgānusayaṁ …pe… avijjānusayaṁ pajahatīti? Tadekaṭṭhaṁ pajahati. Yo vā pana avijjānusayaṁ pajahati so kāmarāgānusayaṁ pajahatīti? No. Yo paṭighānusayaṁ pajahati so mānānusayaṁ pajahatīti? Tadekaṭṭhaṁ pajahati.