Yato kāmarāgānusayaṁ nappajahati tato paṭighānusayaṁ nappajahatīti? Dukkhāya vedanāya tato kāmarāgānusayaṁ nappajahati, no ca tato paṭighānusayaṁ nappajahati. Rūpadhātuyā arūpadhātuyā apariyāpanne tato kāmarāgānusayañca nappajahati paṭighānusayañca nappajahati. Yato vā pana paṭighānusayaṁ nappajahati tato kāmarāgānusayaṁ nappajahatīti? Kāmadhātuyā dvīsu vedanāsu tato paṭighānusayaṁ nappajahati, no ca tato kāmarāgānusayaṁ nappajahati. Rūpadhātuyā arūpadhātuyā apariyāpanne tato paṭighānusayañca nappajahati kāmarāgānusayañca nappajahati. Yato kāmarāgānusayaṁ nappajahati tato mānānusayaṁ nappajahatīti? Rūpadhātuyā arūpadhātuyā tato kāmarāgānusayaṁ nappajahati, no ca tato mānānusayaṁ nappajahati. Dukkhāya vedanāya apariyāpanne tato kāmarāgānusayañca nappajahati mānānusayañca nappajahati. Yato vā pana mānānusayaṁ nappajahati tato kāmarāgānusayaṁ nappajahatīti? Āmantā. Yato kāmarāgānusayaṁ nappajahati tato diṭṭhānusayaṁ …pe… vicikicchānusayaṁ nappajahatīti? Dukkhāya vedanāya rūpadhātuyā arūpadhātuyā tato kāmarāgānusayaṁ nappajahati, no ca tato vicikicchānusayaṁ nappajahati. Apariyāpanne tato kāmarāgānusayañca nappajahati vicikicchānusayañca nappajahati. Yato vā pana vicikicchānusayaṁ nappajahati tato kāmarāgānusayaṁ nappajahatīti? Āmantā. Yato kāmarāgānusayaṁ nappajahati tato bhavarāgānusayaṁ nappajahatīti?