Rūpadhātuyā arūpadhātuyā tato kāmarāgānusayaṁ nappajahati, no ca tato bhavarāgānusayaṁ nappajahati. Dukkhāya vedanāya apariyāpanne tato kāmarāgānusayañca nappajahati bhavarāgānusayañca nappajahati. Yato vā pana bhavarāgānusayaṁ nappajahati tato kāmarāgānusayaṁ nappajahatīti? Kāmadhātuyā dvīsu vedanāsu tato bhavarāgānusayaṁ nappajahati, no ca tato kāmarāgānusayaṁ nappajahati. Dukkhāya vedanāya apariyāpanne tato bhavarāgānusayañca nappajahati kāmarāgānusayañca nappajahati. Yato kāmarāgānusayaṁ nappajahati tato avijjānusayaṁ nappajahatīti? Dukkhāya vedanāya rūpadhātuyā arūpadhātuyā tato kāmarāgānusayaṁ nappajahati, no ca tato avijjānusayaṁ nappajahati. Apariyāpanne tato kāmarāgānusayañca nappajahati avijjānusayañca nappajahati. Yato vā pana avijjānusayaṁ nappajahati tato kāmarāgānusayaṁ nappajahatīti? Āmantā. Yato paṭighānusayaṁ nappajahati tato mānānusayaṁ nappajahatīti? Kāmadhātuyā dvīsu vedanāsu rūpadhātuyā arūpadhātuyā tato paṭighānusayaṁ nappajahati, no ca tato mānānusayaṁ nappajahati. Apariyāpanne tato paṭighānusayañca nappajahati mānānusayañca nappajahati. Yato vā pana mānānusayaṁ nappajahati tato paṭighānusayaṁ nappajahatīti? Dukkhāya vedanāya tato mānānusayaṁ nappajahati, no ca tato paṭighānusayaṁ nappajahati. Apariyāpanne tato mānānusayañca nappajahati paṭighānusayañca nappajahati.