Yo yato mānānusayaṁ nappajahati so tato bhavarāgānusayaṁ nappajahatīti? Āmantā. Yo vā pana yato bhavarāgānusayaṁ nappajahati so tato mānānusayaṁ nappajahatīti? Aggamaggasamaṅgī kāmadhātuyā dvīsu vedanāsu so tato bhavarāgānusayaṁ nappajahati, no ca so tato mānānusayaṁ nappajahati. Sveva puggalo dukkhāya vedanāya apariyāpanne so tato bhavarāgānusayañca nappajahati mānānusayañca nappajahati. Aggamaggasamaṅgiṁ ṭhapetvā avasesā puggalā sabbattha bhavarāgānusayañca nappajahanti mānānusayañca nappajahanti. Yo yato mānānusayaṁ nappajahati so tato avijjānusayaṁ nappajahatīti? Aggamaggasamaṅgī dukkhāya vedanāya so tato mānānusayaṁ nappajahati, no ca so tato avijjānusayaṁ nappajahati. Sveva puggalo apariyāpanne so tato mānānusayañca nappajahati avijjānusayañca nappajahati. Aggamaggasamaṅgiṁ ṭhapetvā avasesā puggalā sabbattha mānānusayañca nappajahanti avijjānusayañca nappajahanti. Yo vā pana yato avijjānusayaṁ nappajahati so tato mānānusayaṁ nappajahatīti? Āmantā. Yo yato diṭṭhānusayaṁ nappajahati so tato vicikicchānusayaṁ nappajahatīti? Āmantā. Yo vā pana yato vicikicchānusayaṁ nappajahati so tato diṭṭhānusayaṁ nappajahatīti? Āmantā …pe…. Yo yato vicikicchānusayaṁ nappajahati so tato bhavarāgānusayaṁ nappajahatīti?