Yato paṭighānusayaṁ nappajahati tato diṭṭhānusayaṁ …pe… vicikicchānusayaṁ nappajahatīti? Kāmadhātuyā dvīsu vedanāsu rūpadhātuyā arūpadhātuyā tato paṭighānusayaṁ nappajahati, no ca tato vicikicchānusayaṁ nappajahati. Apariyāpanne tato paṭighānusayañca nappajahati vicikicchānusayañca nappajahati. Yato vā pana vicikicchānusayaṁ nappajahati tato paṭighānusayaṁ nappajahatīti? Āmantā. Yato paṭighānusayaṁ nappajahati tato bhavarāgānusayaṁ nappajahatīti? Rūpadhātuyā arūpadhātuyā tato paṭighānusayaṁ nappajahati, no ca tato bhavarāgānusayaṁ nappajahati. Kāmadhātuyā dvīsu vedanāsu apariyāpanne tato paṭighānusayañca nappajahati bhavarāgānusayañca nappajahati. Yato vā pana bhavarāgānusayaṁ nappajahati tato paṭighānusayaṁ nappajahatīti? Dukkhāya vedanāya tato bhavarāgānusayaṁ nappajahati, no ca tato paṭighānusayaṁ nappajahati. Kāmadhātuyā dvīsu vedanāsu apariyāpanne tato bhavarāgānusayañca nappajahati paṭighānusayañca nappajahati. Yato paṭighānusayaṁ nappajahati tato avijjānusayaṁ nappajahatīti? Kāmadhātuyā dvīsu vedanāsu rūpadhātuyā arūpadhātuyā tato paṭighānusayaṁ nappajahati, no ca tato avijjānusayaṁ nappajahati. Apariyāpanne tato paṭighānusayañca nappajahati avijjānusayañca nappajahati. Yato vā pana avijjānusayaṁ nappajahati tato paṭighānusayaṁ nappajahatīti? Āmantā. Yato mānānusayaṁ nappajahati tato diṭṭhānusayaṁ …pe… vicikicchānusayaṁ nappajahatīti?