Nabhañca dūre pathavī ca dūre, Pāraṁ samuddassa tadāhu dūre; Tato have dūrataraṁ vadanti, Satañca dhammo asatañca rāja”. “Sahassiyā imā gāthā, nahimā gāthā satārahā; Cattāri tvaṁ sahassāni, khippaṁ gaṇhāhi brāhmaṇa”. “Āsītiyā nāvutiyā ca gāthā, Satārahā cāpi bhaveyya gāthā; Paccattameva sutasoma jānahi, Sahassiyā nāma kā atthi gāthā”. “Icchāmi vohaṁ sutavuddhimattano, Santoti maṁ sappurisā bhajeyyuṁ; Ahaṁ savantīhi mahodadhīva, Na hi tāta tappāmi subhāsitena. Aggi yathā tiṇakaṭṭhaṁ dahanto, Na tappatī sāgarova nadīhi; Evampi te paṇḍitā rājaseṭṭha, Sutvā na tappanti subhāsitena.