Satasahassito kappe, yaṁ buddhamabhipūjayiṁ; Duggatiṁ nābhijānāmi, tipadumānidaṁ phalaṁ. Kilesā jhāpitā mayhaṁ, bhavā sabbe samūhatā; Sabbāsavā parikkhīṇā, natthi dāni punabbhavo. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā tipadumiyo thero imā gāthāyo abhāsitthāti. Tipadumiyattherassāpadānaṁ dasamaṁ. Nāgasamālavaggo aṭṭhamo. Tassuddānaṁ Nāgasamālo padasaññī, saññakāluvadāyako; Ekasaññī tiṇasanthāro, sūcipāṭalipupphiyo; Ṭhitañjalī tipadumī, gāthāyo pañcasattati. Timiravagga Timirapupphiyattheraapadāna