“Uyyānabhūmiṁ niyyanto, addasaṁ lokanāyakaṁ; Vaṭaṁsakaṁ gahetvāna, sovaṇṇaṁ sādhunimmitaṁ. Sīghaṁ tato samāruyha, hatthikkhandhagato ahaṁ; Buddhassa abhiropesiṁ, sikhino lokabandhuno. Ekattiṁse ito kappe, yaṁ pupphamabhiropayiṁ; Duggatiṁ nābhijānāmi, pupphapūjāyidaṁ phalaṁ. Sattavīse ito kappe, eko āsiṁ janādhipo; Mahāpatāpanāmena, cakkavattī mahabbalo. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā sovaṇṇavaṭaṁsakiyo thero imā gāthāyo abhāsitthāti. Sovaṇṇavaṭaṁsakiyattherassāpadānaṁ sattamaṁ. Ālambaṇadāyakavagga Miñjavaṭaṁsakiyattheraapadāna “Nibbute lokanāthamhi, sikhimhi vadataṁ vare; Vaṭaṁsakehi ākiṇṇaṁ, bodhipūjaṁ akāsahaṁ.