Cammakhaṇḍaṁ mayā dinnaṁ, sikhino lokabandhuno; Tena kammena dvipadinda, lokajeṭṭha narāsabha. Sampattiṁ anubhotvāna, kilese jhāpayiṁ ahaṁ; Dhāremi antimaṁ dehaṁ, sammāsambuddhasāsane. Ekattiṁse ito kappe, ajinaṁ yaṁ adāsahaṁ; Duggatiṁ nābhijānāmi, ajinassa idaṁ phalaṁ. Ito pañcamake kappe, rājā āsiṁ sudāyako; Sattaratanasampanno, cakkavattī mahabbalo. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā ajinadāyako thero imā gāthāyo abhāsitthāti. Ajinadāyakattherassāpadānaṁ dutiyaṁ. Ālambaṇadāyakavagga 3 Dverataniyattheraapadāna “Migaluddo pure āsiṁ, araññe kānane ahaṁ; Addasaṁ virajaṁ buddhaṁ, āhutīnaṁ paṭiggahaṁ. Maṁsapesi mayā dinnā, vipassissa mahesino; Sadevakasmiṁ lokasmiṁ, issaraṁ kārayāmahaṁ.