“Phussassa kho bhagavato, thūpo āsi mahāvane; Kuñjarehi tadā bhinno, parūḷho pādapo tahiṁ. Visamañca samaṁ katvā, sudhāpiṇḍaṁ adāsahaṁ; Tilokagaruno tassa, guṇehi paritosito. Dvenavute ito kappe, yaṁ kammamakariṁ tadā; Duggatiṁ nābhijānāmi, sudhāpiṇḍassidaṁ phalaṁ. Sattasattatikappamhi, jitasenāsuṁ soḷasa; Sattaratanasampannā, cakkavattī mahabbalā. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā khaṇḍaphulliyo thero imā gāthāyo abhāsitthāti. Khaṇḍaphulliyattherassāpadānaṁ tatiyaṁ. Tamālapupphiyavagga Asokapūjakattheraapadāna “Tivarāyaṁ pure ramme, rājuyyānaṁ ahu tadā; Uyyānapālo tatthāsiṁ, rañño baddhacaro ahaṁ.