Paṇṇaṁ phalaṁ paccuggamaṁ, ekapupphi ca maghavā; Upaṭṭhākāpadānañca, pabbajjā buddhupaṭṭhāko; Pubbaṅgamo ca gāthāyo, aṭṭhatālīsa kittitā. Citakapūjakavagga Citakapūjakattheraapadāna “Ajito nāma nāmena, ahosiṁ brāhmaṇo tadā; Āhutiṁ yiṭṭhukāmohaṁ, nānāpupphaṁ samānayiṁ. Jalantaṁ citakaṁ disvā, sikhino lokabandhuno; Tañca pupphaṁ samānetvā, citake okiriṁ ahaṁ. Ekattiṁse ito kappe, yaṁ pupphamabhipūjayiṁ; Duggatiṁ nābhijānāmi, buddhapūjāyidaṁ phalaṁ. Sattavīse ito kappe, sattāsuṁ manujādhipā; Supajjalitanāmā te, cakkavattī mahabbalā. Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”. Itthaṁ sudaṁ āyasmā citakapūjako thero imā gāthāyo abhāsitthāti. Citakapūjakattherassāpadānaṁ paṭhamaṁ. Citakapūjakavagga Pupphadhārakattheraapadāna