“Nibbute lokanāthamhi, atthadassi naruttame; Jagatī kāritā mayhaṁ, buddhassa thūpamuttame. Aṭṭhārase kappasate, yaṁ kammamakariṁ tadā; Duggatiṁ nābhijānāmi, jagatiyā idaṁ phalaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā jagatikārako thero imā gāthāyo abhāsitthāti. Jagatikārakattherassāpadānaṁ navamaṁ. Udakāsanavagga Vāsidāyakattheraapadāna “Kammārohaṁ pure āsiṁ, tivarāyaṁ puruttame; Ekā vāsi mayā dinnā, sayambhuṁ aparājitaṁ. Catunnavutito kappe, yaṁ vāsimadadiṁ tadā; Duggatiṁ nābhijānāmi, vāsidānassidaṁ phalaṁ. Paṭisambhidā catasso, …pe… kataṁ buddhassa sāsanaṁ”.