Upāsitvāna sambuddhaṁ, veyyāvaccamakāsahaṁ; Saraṇañca upāgacchiṁ, dvipadindassa tādino. Ekanavutito kappe, saraṇaṁ upagacchahaṁ; Duggatiṁ nābhijānāmi, saraṇāgamanapphalaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā saraṇagamaniyo thero imā gāthāyo abhāsitthāti. Saraṇagamaniyattherassāpadānaṁ aṭṭhamaṁ. Citakapūjakavagga Ambapiṇḍiyattheraapadāna “Romaso nāma nāmena, dānavo iti vissuto; Ambapiṇḍī mayā dinnā, vipassissa mahesino. Ekanavutito kappe, yamambamadadiṁ tadā; Duggatiṁ nābhijānāmi, ambadānassidaṁ phalaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā ambapiṇḍiyo thero imā gāthāyo abhāsitthāti. Ambapiṇḍiyattherassāpadānaṁ navamaṁ. Citakapūjakavagga Anusaṁsāvakattheraapadāna