Catunnavutito kappe, yaṁ macchamadadiṁ tadā; Duggatiṁ nābhijānāmi, macchadānassidaṁ phalaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā macchadāyako thero imā gāthāyo abhāsitthāti. Macchadāyakattherassāpadānaṁ chaṭṭhaṁ. Padumukkhipavagga Javahaṁsakattheraapadāna “Candabhāgānadītīre, Āsiṁ vanacaro tadā; Siddhatthaṁ addasaṁ buddhaṁ, Gacchantaṁ anilañjase. Añjaliṁ paggahetvāna, ullokento mahāmuniṁ; Sakaṁ cittaṁ pasādetvā, avandiṁ nāyakaṁ ahaṁ. Catunnavutito kappe, yamavandiṁ narāsabhaṁ; Duggatiṁ nābhijānāmi, vandanāya idaṁ phalaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā javahaṁsako thero imā gāthāyo abhāsitthāti. Javahaṁsakattherassāpadānaṁ sattamaṁ. Padumukkhipavagga 8 Saḷalapupphiyattheraapadāna