Ito catutthake kappe, dumasārosi khattiyo; Cāturanto vijitāvī, cakkavattī mahabbalo. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā buddhasaññako thero imā gāthāyo abhāsitthāti. Buddhasaññakattherassāpadānaṁ tatiyaṁ. Nāgasamālavagga Bhisāluvadāyakattheraapadāna “Kānanaṁ vanamogayha, vasāmi vipine ahaṁ; Vipassiṁ addasaṁ buddhaṁ, āhutīnaṁ paṭiggahaṁ. Bhisāluvañca pādāsiṁ, udakaṁ hatthadhovanaṁ; Vanditvā sirasā pāde, pakkāmi uttarāmukho. Ekanavutito kappe, bhisāluvamadaṁ tadā; Duggatiṁ nābhijānāmi, puññakammassidaṁ phalaṁ. Ito tatiyake kappe, bhisasammatakhattiyo; Sattaratanasampanno, cakkavattī mahabbalo. Paṭisambhidā catasso, …pe… kataṁ buddhassa sāsanaṁ”.