Itthaṁ sudaṁ āyasmā udapānadāyako thero imā gāthāyo abhāsitthāti. Udapānadāyakattherassāpadānaṁ catutthaṁ. Kumudavagga Sīhāsanadāyakattheraapadāna “Nibbute lokanāthamhi, padumuttaranāyake; Pasannacitto sumano, sīhāsanamadāsahaṁ. Bahūhi gandhamālehi, diṭṭhadhammasukhāvahe; Tattha pūjañca katvāna, nibbāyati bahujjano. Pasannacitto sumano, vanditvā bodhimuttamaṁ; Kappānaṁ satasahassaṁ, duggatiṁ nupapajjahaṁ. Pannarasasahassamhi, kappānaṁ aṭṭha āsu te; Siluccayasanāmā ca, rājāno cakkavattino. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā sīhāsanadāyako thero imā gāthāyo abhāsitthāti. Sīhāsanadāyakattherassāpadānaṁ pañcamaṁ. Kumudavagga Maggadattikattheraapadāna