Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā pāyasadāyako thero imā gāthāyo abhāsitthāti. Pāyasadāyakattherassāpadānaṁ tatiyaṁ. Sereyyavagga Gandhodakiyattheraapadāna “Nisajja pāsādavare, vipassiṁ addasaṁ jinaṁ; Kakudhaṁ vilasantaṁva, sabbaññuṁ tamanāsakaṁ. Pāsādassāvidūre ca, gacchati lokanāyako; Pabhā niddhāvate tassa, yathā ca sataraṁsino. Gandhodakañca paggayha, buddhaseṭṭhaṁ samokiriṁ; Tena cittappasādena, tattha kālaṅkato ahaṁ. Ekanavutito kappe, yaṁ gandhodakamākiriṁ; Duggatiṁ nābhijānāmi, buddhapūjāyidaṁ phalaṁ. Ekattiṁse ito kappe, sugandho nāma khattiyo; Sattaratanasampanno, cakkavattī mahabbalo. Paṭisambhidā catasso, …pe… kataṁ buddhassa sāsanaṁ”.