Itthaṁ sudaṁ āyasmā saparivāriyo thero imā gāthāyo abhāsitthāti. Saparivāriyattherassāpadānaṁ catutthaṁ. Chattavagga 5 Umāpupphiyattheraapadāna “Nibbute lokamahite, āhutīnaṁ paṭiggahe; Siddhatthamhi bhagavati, mahāthūpamaho ahu. Mahe pavattamānamhi, siddhatthassa mahesino; Umāpupphaṁ gahetvāna, thūpamhi abhiropayiṁ. Catunnavutito kappe, yaṁ pupphamabhiropayiṁ; Duggatiṁ nābhijānāmi, thūpapūjāyidaṁ phalaṁ. Ito ca navame kappe, somadevasanāmakā; Pañcāsītisu rājāno, cakkavattī mahabbalā. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā umāpupphiyo thero imā gāthāyo abhāsitthāti. Umāpupphiyattherassāpadānaṁ pañcamaṁ. Chattavagga 6 Anulepadāyakattheraapadāna