Itthaṁ sudaṁ āyasmā naḷinakesariyo thero imā gāthāyo abhāsitthāti. Naḷinakesariyattherassāpadānaṁ tatiyaṁ. Tuvaradāyakavagga 4 Viravapupphiyattheraapadāna “Khīṇāsavasahassehi, niyyāti lokanāyako; Viravapupphamādāya, buddhassa abhiropayiṁ. Ekanavutito kappe, yaṁ pupphamabhipūjayiṁ; Duggatiṁ nābhijānāmi, buddhapūjāyidaṁ phalaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ āyasmā viravapupphiyo thero imā gāthāyo abhāsitthāti. Viravapupphiyattherassāpadānaṁ catutthaṁ. Tuvaradāyakavagga Kuṭidhūpakattheraapadāna “Siddhatthassa bhagavato, ahosiṁ kuṭigopako; Kālena kālaṁ dhūpesiṁ, pasanno sehi pāṇibhi. Catunnavutito kappe, yaṁ kammamakariṁ tadā; Duggatiṁ nābhijānāmi, dhūpadānassidaṁ phalaṁ.